Erabiltzailearen profila

Miguel Brievaren lanak ezagutzen dituenarentzat aldaketa nabarmena da hay. Orain arte egindakoetan gizarte turbokapitalistaren kritika zorrotzak izan dira, eta honetan berriz, pauso bat aurrera egiten du, eredu hortatik nola atera gaitezkeen erakusteko intentzioz. Nabarmentzekoa da proposamen berriak lantzeko eta aurkezteko egin duen lana, eta interesgarriak oso erabiltzen dituen iturriak. Irakurri eta hausnartzeko oso interesgarria bada ere, Brievaren aurreko lanak baino zorroztasun pixkat gutxiago ikusten diot honetan.

"Webcomic" batean sortu eta paperera ekarritako komikia da, eta nabari da formatuan. Panel Syndicate-k eginda:http://panelsyndicate.com/comics/tpeye Hala ere paperean oso ondo irakurtzeko edizioa dago, eta erakargarria egin zait, bai marrazki zein gidoi aldetik. Pribatasuna balioan jartzen duen etorkizuneko gizartean sortutako gatazka bati buruz hitz egiten digu eta gidoiak klasikotasunetik asko baldin badu ere, berrikuntza politak eta pertsonaia sakonak eskaintzen ditu.

Miguel Brieva-ren "Se busca" komikiaren (paperjale.eus/book/59292/s/se-busca) hariari tiraka iritsi nintzen saiakera hontara. Mardula izan arren erraz irakurtzen da, idazkera ulerkorrean eta adibide pilarekin eginda dago eta. Gizakiak gaiztoak al gara izatez edo onberak? Galdera horri erantzuten saiatzen da autorea hainbat eta hainbat urteetako ikerketa bati jarraiki. Erantzuna niri asko gustatu zait (ez dut spoilerrik egingo! :D) eta gizateriari bidaltzen dion mezua oso indartsua eta transformatzailea dela uste dut. Oso gomendagarria.